ایلن سنه چای دئمیشم
خیالینی گوندریب دیر
بسکی من آخ ، وای دئمیشم
آخ گئجه لَر یاتمامیشام
من سنه لای ، لای دئمیشم
سن یاتالی ، من گوزومه
اولدوزلاری سای دئمیشم
هر کس سنه اولدوز دییه
اوزوم سنه آی دئمیشم
سننن سورا ، حیاته من
شیرین دئسه ، زای دئمیشم
هر گوزلدن بیر گول آلیب
سن گوزه له پای دئمیشم
سنین گون تک باتماغیوی
آی باتانا تای دئمیشم
ایندی یایا قیش دئییرم
سابق قیشا ، یای دئمیشم
گاه توییوی یاده سالیب
من ده لی ، نای نای دئمیشم
سونرا گئنه یاسه باتیب
آغلاری های های دئمیشم
عمره سورن من قره گون
آخ دئمیشم ، وای دئمیشم
یاغیش یاغیر
یاغیش یاغیر، یاز یاغیشی
یاغ ای یاغیش-یاغگینان سن
سنه احسن، سنه آلقش
یاغ ای یاغیش-یاغگینان سن
بو چوللره چمنلره یاغگینان سن
سوسوزدوغدان خزان اولان چیچک لره یاغگینان سن
یاغگینان سن
آرزولارا دیلگ لره یاگینان سن
محبت دن آلولانان اورگلره یاغگینان سن
یاغگیان سن
یاغا یاغا ایسلات گینان پالتاریمی
قایتار منه گنجلیگده کی اوز عهدیمی، ایلقاریمی
اله یاغ کی قوی ایستانسین الیمدکی قلم، وارق
یادم دادی نئجه یاغدون دوز اوتوز ایل بونان قاباغ
اله گوزل یاغموشدون کی ایسلانمیشدی اوز گوزومیز
اوتورموشدوغ قالا آلتیندا، بیر آغاجین آلتیندا بیز
سن یاغدیغجا دامجی لارون سپیلیردی اوزوموزه
ایکیمیز ده ایسله میردیک دوروب گدک اویمیزه
قورخوردوغ کی دوروب گتسک، خلل گلر سوگیمیزه
سن بیر شعرسن کی
سن بیر نغمه سن کی
آغزون یوخدی، دیلون یوخدی،نجه دییم بیله سن کی
سن یاغاندا یاماجدارا ،دوزنلره جان وریرسن
زمی لرده سنبل لرین دامارینا قان وریرسن
یاغ ای یاغیش
قوربان اولوم، سحره جن یاغگینان سن
دایانمادان، قالا آلتندان شهر جن یاغگینان سن
یاغگینان کی کولرجده سولان گوللر چیچک آچسین
بو اورکه دن، بو دیار دان، غصه، کدر، اوزاق قاچسین
یاغا یاغا نه اولار کی خبر آپار سوگیلیمه
آمان گوندی، بو حالیمی بو گونومی اونا دمه
دوگه دوگه پنجره سین ده گینن کی گلیب دی یار
قالا آلتیندا شیر علینن بش بش اوینیر یتیم عیواض